Ҳиндистоннинг COVID-19 геномик консорциуми мамлакатда «Eris» деб номланган коронавируснинг янги субвариантининг аломатлари ҳақида хабар берди. Бу ҳақда «The Economic Times» хабар бермоқда.
Нашрнинг қайд этишича, EG.5.1 штамми “Омикрон” туридан келиб чиққан бўлиб, у биринчи марта 2023 йилнинг мартида қайд этилган, июль ойида эса биринчи марта Буюк Британияда аниқланган эди.
Нашрнинг таъкидлашича, дастлабки штамм хавотирга сабаб бўлмаган, бироқ олимлар унинг тарқалиш тезлиги, шунингдек, касалланганлар сонининг кўпайишидан ҳавотирда.
Консорциум аъзоларидан бири Ҳиндистонда Eris билан касалланиш вақти-вақти билан содир бўлганини таъкидлади, аммо «ҳозирча ташвишланадиган ҳеч нарса йўқ», дейилади манба хабарида.
Ҳиндистон Соғлиқни сақлаш вазирлиги маълумотларига кўра, ўтган сутка давомида мамлакатда 54 та янги коронавирус ташувчиси аниқланган, натижада бутун мамлакат бўйлаб фаол касалланганлар сони 1574 нафарга етган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
