Австралиянинг энг бой одами сайёрамизни қутқариш учун 3 миллиард Австралия доллари (2,2 миллиард АҚШ доллари) беради. Гап темир рудаси магнати Эндрю Форрест ҳақида кетмоқда, у Квинсленд марказида қайта тикланадиган энергияга сармоя киритиш нияти борлигини эълон қилди. Бу ҳақда Reuters хабар бермоқда.
Форрестнинг Squadron Energy компанияси шамол ва қуёш фермасини ривожлантирувчи Clarke Creek лойиҳасини сотиб олди. Лойиҳада қурилишни бошлаш учун шартномалар аллақачон мавжуд.
«Биз Clarke Creek’га нафақат уйларимиз, фабрикаларимиз ва шаҳарларимизни энергия билан таъминлашда қайта тикланадиган шамол ва қуёш энергиясидан фойдаланиш учун, балки қазиб олинадиган ёқилғига боғлиқлигимизни тугатиш йўлидаги муҳим қадам сифатида ҳам сармоя киритмоқдамиз», — деди Форрест.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
