Ҳамаснинг Ғазодаги сиёсий қаноти раҳбари ва Исроилнинг энг кўп қидирилаётган одамларидан бири.
Бошқа ҲАМАС етакчилари қатори Исроил уни 7 октабрда 1200 га яқин одам ўлдирилган ва 200 дан ортиқ одам ўғирлаб кетилган рейд учун жавобгар деб билади.
Абу Иброҳим номи билан машҳур бўлган 61 ёшли Синвар Ғазо сектори жанубидаги Хон Юнис қочқинлар лагерида туғилган. Унинг ота-онаси асли Ашкелондан бўлган, аммо Накба («Калофат») дан кейин қочқинларга айланган. 1948 йилда Исроил давлати ташкил этилганидан кейин бошланган уруш пайтида фаластинликларнинг уйларидан оммавий кўчирилишининг фаластинча номи.
У Хон Юнис ўғил болалар ўрта мактабида ўқиган ва кейинроқ Ғазо Ислом университетини араб тили бўйича бакалавр даражасини олган.
Синвар 1988 йилдан 2011 йилгача бўлган умрининг катта қисмини – 22 йилдан кўпроқ вақтини Исроил қамоқхоналарида ўтказди. Унинг у ердаги, жумладан, бир кишилик камерада бўлган вақти уни янада радикаллаштирган кўринади.
Исроил ҳукумати Синварнинг қамоқдаги давридаги шахсиятини таҳлил қилиб, унинг характерини «шафқатсиз, обрўли, таъсирчан, ғайриоддий чидамлилик қобилиятига эга, айёр ва манипулятор, озгина нарсадан мамнун… Бошқа маҳбуслар орасида ҳам сир сақлайди… Одамларни ўзига жалб қилиш қобилиятига эгалигини айтиб келмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
