Kecha Misr hukumati tomonidan S gepatitiga qarshi “Sofosbuvir-400mg” dori vositasining navbatdagi partiyasi Oʻzbekistonga yetkazib berildi, deb xabar bermoqda “Dunyo” AA.
Umumiy 12 dona qutilarda 6720 dona “Sofosbuvir-400mg” dori vositalari Oʻzbekiston Sogʻliqni saqlash vazirligi huzuridagi Virusologiya ilmiy-tekshirish instituti tomonidan shifotalab bemorlarga taqsimlanadi.
Misr hukumati tomonidan 2025-yilga qadar umumiy qiymati 4,2 million dollar boʻlgan jami 800 ming dona C gepatitiga qarshi “Daklatasvir” va “Sofosbuvir”, B gepatitiga qarshi “Entekavir” dori vositalarining berilishi boʻyicha kelishuvga erishilgan edi.
Hozirgi kunga qadar vazni 13,4 tonnaga teng boʻlgan mazkur dori vositalari Misrdan mamlakatimizga bosqichma-bosqich yuborildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
