Toshkentda bedarak yo‘qolgan 12 yoshli qiz Chilonzor tumanida bir yigit bilan topildi.
Toshkentda 12 yoshli qiz bedarak yo‘qolgani haqida xabar berilgan edi. O‘zbekiston qidiruv-qutqaruv otryadi Instagram sahifasida qiz topilganini ma’lum qildi.
Qayd etilishicha, Veretennik Lyubov 2024-yil 5-avgust kuni soat 20:30 da uydan chiqib ketib, qaytib kelmagan.
7-avgust kuni Tatyana ismli ayol Chilonzor tumanida qizni bir yigit bilan yurganini ko‘rgan. Bu haqda ayol UzAlert guruhiga xabar bergan.
Shundan so‘ng, qiz sog‘lom holda topilib, O‘zbekiston qidiruv-qutqaruv otryadi tomonidan oila-a’zolariga topshirilgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
