Bugun 36-Xalqaro Informatika olimpiadasida ishtirok etgan O‘zbekiston terma jamoasi vakillari Islom Karimov nomidagi Toshkent xalqaro aeroportida tantanali tarzda kutib olindi.
Unda Maktabgacha va maktab ta’limi vazirligi hamda tizimdagi ta’lim muassasalari mas’ullari ishtirok etib, o‘quvchilarni samimiy tabriklashdi.
Eslatib o‘tamiz, mazkur olimpiada joriy yilning 1-8-sentabr kunlari Misrda bo‘lib o‘tdi. Unda terma jamoamiz bronza medalni qo‘lga kiritdi.
Ta’kidlash joiz, O‘zbekiston Respulikasi Prezidentining 2019-yil 3-maydagi 4306-sonli Qaroriga muvofiq, nufuzli xalqaro olimpiadalarda bronza medalini qo‘lga kiritgan o‘quvchiga Bazaviy hisoblash miqdorining 200 baravari (hozirgi kunda 68 mln. so‘m, 1-oktabrdan 75 mln. so‘m), uning ustoziga 150 baravari (hozirgi kunda 51 mln. so‘m, 1-oktabrdan 56,25 mln so‘m) miqdordagi pul mablag‘lari mukofot tarzda beriladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
