Yaqinda Andijon viloyat hududiy boshqarmasi tomonidan o‘tkazilgan tezkor tadbirda Asaka tumanida faoliyat yuritayotgan “Z.” MCHJga qarashli choyxonaning elektr hisoblagichiga tashqi ta’sir ko‘rsatilib, elektr energiyasi o‘g‘rincha ishlatilayotgani ma’lum bo‘ldi.
Shuningdek, Qarshi shahridagi tibbiyot muassasasida ham to‘g‘ridan-to‘g‘ri tarmoqqa ulanib, elektr energiyasi noqonuniy ishlatilgani Qashqadaryo viloyat hududiy boshqarmasi tomonidan fosh etildi. Ya’ni, Respublika ixtisoslashtirilgan ona va bola salomatligi markazi Qashqadaryo viloyati filialida 4 dona chiller sovutish tizimi (quvvati 612.6 kVt) elektr tarmoqlariga to‘g‘ridan-to‘g‘ri ulangan va manba yashirincha ishlatilgan.
Dastlabki hisob-qitoblarga ko‘ra, birinchi holatda 567,6 million so‘mlik elektr energiyasi o‘g‘rincha ishlatilgan. Ikkinchi holatda esa davlat manfaatiga 2 milliard 182 million so‘mlik zarar keltirilgan.
“O‘zenergoinspeksiya” axborot xizmatining ma’lum qilishicha, har ikki holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
