Transport vaziri o‘rinbosari Jasurbek Choriyev mamlakatda samolyot ishlab chiqarish bo‘yicha dastlabki rejalarning mavjudligini maʼlum qildi. Bu haqda u 19-noyabr kuni davlat-xususiy sheriklik bo‘yicha uchinchi davra suhbatida so‘z yuritdi.
Import samolyotlari: QQS va bojxona masalasi
Choriyevning aytishicha, yo‘lovchi va yuk samolyotlarini import qilishda QQS va bojdan ozod qilish masalasi ularning yuqori narxi bilan bog‘liq.
“Samolyot — qimmat texnika. Hozircha biz ularni o‘zimiz ishlab chiqarayotganimiz yo‘q”, — dedi u.
Mahalliy ishlab chiqarish rejalari
Samolyot ishlab chiqarishni yo‘lga qo‘yish rejalari haqidagi savolga rasmiy ijobiy javob berdi. Unga ko‘ra, bu yo‘nalishda ilk qadamlar qo‘yilishi rejalashtirilgan.
“Nimadandir boshlash kerak”, — deya qayd etdi Choriyev, ehtimoliy modellarga doir fikrlar bilan o‘rtoqlashar ekan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
