«Talimarjon IES» aksiyadorlik jamiyati tomonidan OAV vakillari uchun investitsion loyiha asosida yuqori quvvatli bug‘-gaz qurilmalari qurilishiga bag‘ishlangan press-tur tashkil etildi.

Hozirgi kunda jamiyat tarkibidagi 3 ta energo blok mavjud bo‘lib, stansiyaning umumiy quvvati 1700 megavat soatni tashkil etadi.

Davlat rahbarining 2018 yil 1-avgustdagi «Talimarjon Issiqlik elektr stansiyasini umumiy quvvati 900 MVt.dan kam boʻlmagan navbatdagi ikki dona bugʻ-gaz qurilmalarini qurish bilan kengaytirish investitsion loyihani amalga oshirishda birlamchi chora-tadbirlar toʻgʻrisida»gi Farmoyishi, 2020 yil 9 yanvardagi «Oʻzbekiston Respublikasini 2020-2022 yillarga moʻljallangan Investitsion dasturini amalga oshirish chora-tadbirlari toʻgʻrisida»gi hamda 2020 yil 18 dekabrdagi «Talimarjon issiqlik elektr stansiyasini umumiy quvvati 900 MVtdan kam boʻlmagan navbatdagi ikkita bugʻ-gaz qurilmalarini qurish bilan kengaytirish” investitsiya loyihasini amalga oshirish chora-tadbirlari toʻgʻrisida»gi qarorlari asosida stansiyani kengaytirish boʻyicha yirik investitsion loyihani amalga oshirish maqsadida bir qator kompaniyalar bilan hamkorlik qilinmoqda.

Loyihaning umumiy qiymati tasdiqlangan texnik-iqtisodiy asosga koʻra 944,87 mln. AQSH dollariga teng. Shundan:

  • Osiyo taraqqiyot banki 450 mln. AQSH dollari;
  • Yevropa tiklanish va taraqqiyot banki 237,6 mln. AQSH dollari;
  • Oʻzbekiston Respublikasi tiklanish va taraqqiyot jamgʻarmasi 94,3 mln. AQSH dollari;
  • oʻz mablagʻlari 47 mln. AQSH dollari;
  • Oʻzbekiston Respublikasi davlat ulushi 115,9 mln. AQSH dollari.

Osiyo taraqqiyot bankining talablariga muvofiq bugungi kunga kelib xalqaro tender savdolari oʻtkazilmoqda, unda 6 ta kompaniya tender takliflarini bildirgan.

IES tarkibida 4 va 5-bloklar ishga tushirilgach, stansiyaning umumiy ishlab chiqarish quvvati kamida 2600 MVt. ni tashkil qiladi, yiliga qoʻshimcha 7,2 mlrd. kVt soat elektr energiyasi ishlab chiqariladi.

Yangi, zamonaviy va energosamarador uskunalarning ishga tushirilishi natijasida loyiha texnik asoslariga asosan yiliga 520 mln. metrkub (umumiy summasi 32,3 mln. AQSH dollari) tabiiy gaz iqtisod qilindi.

Tabiatga chiqarilayotgan zararli gazlar yiliga 3,4 martaga kamaydi.

 48 

Fikr bildirish

Email manzilingiz chop etilmaydi. Majburiy bandlar * bilan belgilangan