Fuqarolik ishlari boʻyicha Gʻuzor tumanlararo sudining ijro varaqasiga asosan M.Abdiyevaning voyaga yetmagan 2008 yilda va 2016 yilda tugʻilgan farzandlarini onasi tarbiyasiga olib berish toʻgʻrisidagi ijro hujjati Byuroning Dehqonobod tuman boʻlimi ish yurituviga kelib tushgan va shu kunning oʻzida davlat ijrochisi tomonidan belgilangan tartibda «ijro ishi yuritishni qoʻzgʻatish toʻgʻrisida»gi qarori qabul qilingan.

Boʻlim xodimlari tomonidan qarzdorga voyaga yetmagan bolalarni onasiga ixtiyoriy ravishda topshirish toʻgʻrisida ogohlantirish xati yuborilgan va bir necha marotaba ogʻzaki huquqiy tushuntirishlar berilgan. Lekin qarzdor farzandlarini onasiga berishdan bosh tortgan. Shundan soʻng, davlat ijrochilari tomonidan tegishli tartibda ikki nafar voyaga yetmagan farzandlarini onasi M.Abdiyevaning tarbiyasiga olib berilib, ijro hujjati amalda tamomlandi.

Byuro vakolatlari doirasida oʻz vazifasini bajardi. Ammo bolalar butun bir oila bagʻrida, ota-ona mehri bilan voyaga yetishga haqli!

 97 

Fikr bildirish

Email manzilingiz chop etilmaydi. Majburiy bandlar * bilan belgilangan