Joriy yilning 12 iyul kuni internetning “You tube” ijtimoiy tarmogʻida “Qashqadaryoda fuqarolar va organ xodimlari oʻrtasida katta janjal” sarlavhali videoxabar joylashtirildi. Ushbu holat Majburiy ijro byurosi Qashqadaryo viloyat boshqarmasi tomonidan oʻrganildi.

Aniqlanishicha, Fuqarolik ishlari boʻyicha Chiroqchi tumanlararo sudining 20.09.2019 yildagi ijro varaqasiga asosan daʼvogar M.N ga tegishli boʻlgan Yakkabogʻ shahri, “Jambul” MFY, Jambul koʻchasi 57-uyning yer maydonida javobgar U.N. tomonidan oʻzboshimchalik bilan qurilgan 6 xonadan iborat imoratlarning marhum U.N. hayotligi davrida qurilgan 59.01 kv. metr yer maydonidagi qismidan tashqari qismi majburiy tartibda buzdirish belgilangan. Ushbu ijro hujjati Byuroning Yakkabogʻ tuman boʻlim ish yurituviga 22.10.2020 yilda kelib tushgan va ijro ishi yuritishni qoʻzgʻatish toʻgʻrisida qaror qabul qilingan.

Mazkur ijro varaqasiga asosan “Sud hujjatlari va boshqa organlar hujjatlarini ijro etish toʻgʻrisida”gi Qonunning 23-moddasiga koʻra, ijro hujjatidagi talablarni ixtiyoriy ravishda bajarish uchun ijro ishi yuritish qoʻzgʻatilgan kundan eʼtiboran javobgar U.Nga oʻn besh kunlik ixtiyoriy muddat berilgan boʻlsada, u sud qarori ijrosini taʼminlashdan boʻyin tovlab kelgan.

Shu bilan birga, davlat ijrochisi tomonidan javobgar U.N. va uning shu xonadonida yashab kelayotgan oila aʼzolariga mazkur sud qarori ijrosini ixtiyoriy ravishda bajarishligi yuzasidan bir necha marotaba yozma va ogʻzaki ogohlantirish xatlari berilgan.

Biroq, javobgar tomonidan sud qarori ijrosi ixtiyoriy bajarilmaganligi sababli imoratni majburiy tartibda buzdirish yuzasidan jami 11 marotaba majburiy ijro harakatlari tayinlangan.

Tayinlangan majburiy ijro harakatlarida ishtirok etishi lozim boʻlgan tegishli (tuman IIB va TTYO) tashkilotlardan vakillar ishtirok etmaganligi sababli, majburiy ijro harakatlari keyinga qoldirilgan.

Shuningdek, imoratni majburiy tartibda buzdirish yuzasidan ushbu manzilga davlat ijrochilari va majburiy ijro harakatida ishtirok etishi lozim boʻlgan tegishli tashkilotlarning vakillari bilan joriy yilning 09-iyul kuni borilganda, javobgar U.N., uning turmush oʻrtogʻi M.R., oʻgʻli M.T. hamda yaqin qarindoshlari J.T. va A.T.lar sud qarori ijrosini taʼminlanishiga faol qarshilik koʻrsatib, maxsus tayyorlab qoʻyilgan 2 dona 1 litr hajmli yelim idishlarga solingan avtotransport vositasining (benzin) yoqilgʻisini davlat ijrochilari va IIB xodimlarining xizmat kiyimlariga (ustiga) sepib yoqib yuborishga urinib, davlat organi xodimlarining qonuniy talablarini bajarmaganligi aniqlangan.

Yuqoridagilarga koʻra, javobgar U.N. va boshqalarning xatti-harakatlariga nisbatan qonuniy baho berish uchun toʻplangan hujjatlar 12.07.2021 yilda tuman prokuraturasiga yuborildi.

Majburiy ijro byurosi
Qashqadaryo viloyat boshqarmasi

 35 

Fikr bildirish

Email manzilingiz chop etilmaydi. Majburiy bandlar * bilan belgilangan