АҚШнинг собиқ президенти ва тадбиркор Доналд Трамп Forbes журнали талқинига кўра яна 400 та энг бой америкалик миллиардерлар рўйхатига киритилмади.
Нашрнинг ёзишича, тадбиркор сўнгги уч йил ичида иккинчи марта «олтин» рўйхатига кирмаяпти. 2022-йилга нисбатан Трампнинг капитали 600 миллион долларга камайиб, 2,6 миллиард долларни ташкил этди. У рўйхатга киритилиши учун 300 миллион доллар кам бўлган.
Журнал америкаликларга ҳеч қачон етиб келмаган Truth Social ижтимоий тармоғини собиқ давлат раҳбарининг бизнесдаги асосий муваффақиятсизликларидан бири деб ҳисоблайди. Бундан ташқари, тадбиркорнинг бойлиги унга тегишли бўлган тижорат кўчмас мулки қийматининг тахминан 170 миллион долларга тушиши туфайли камайган, дейилади мақолада.
Трамп 1996 йилдан 2021 йилгача ҳар йили 400 та энг бой америкалик миллиардерлар рўйхатига киритилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
