Футбол бўйича Ўзбекистон миллий чемпионатининг бу йилги мавсуми ўз ниҳоясига етди. 14 жамоа иштирокида ўтказилган Суперлига баҳсларининг бу йилги мавсуми аввалгиларига нисбатан қизиқарлироқ кечди.
Сабаби бу йилги мавсумда чемпионлик учун яққол етакчи йўқ эди. Ғолиблик йўлида бир нечта клублар кураш олиб боришди. Ҳамманинг эътибори Наманганнинг “Навбаҳор” ва Қаршининг “Насаф” клубида турган бир пайтди овчи “шерлар” – Тошкентнинг “Пахтакор” жамоаси 15-маротаба чемпионликни расмийлаштиришди.
Эътиборлиси, юқоридаги 3 та клуб чемпионлик учун сўнгги тургача бор умиди билан кураш олиб боришди.
“Халқ жамоаси” номи билан машҳур “Пахтакор” жамоаси 54 очко билан Ўзбекистон Суперлигасининг 15 карра чемпионига айланди.
Суперлигада Наманган вилоятининг “Навбаҳор” жамоаси 53 очко билан кумуш ва Қашқадарёнинг “Насаф” клуби 49 очко билан бронза медалларини қўлга киритди.
Шу билан “Пахтакор”да чемпионликлар сони 15 тага етди. Энди клубнинг логотипидаги юлдузчалари сони 3 та бўлади.
Суперлигани Самарданднинг “Динамо” ва Фарғона вилоятининг “Қўқон-1912” жамоалари тарк этишди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!