Қирғизистон Миллий хавфсизлик давлат қўмитаси Чегара хизмати қирғиз-ўзбек чегарасида “Достук – автомобил йўли” назорат-ўтказиш пунктида автомашиналар тўпланиб қолгани бўйича тушунтириш берди.
“Ўзбекистон томонининг маълумотларига кўра, Ўзбекистон божхона хизмати “Дўстлик – автомобил йўли” назорат-ўтказиш пунктида (Ўзбекистон) синов режимида ишлай бошлаган янги “Э-Транзит” дастурий таъминотини ўрнатди. Ушбу илова Ўзбекистон томонининг назорат-ўтказиш пункти орқали транспорт воситаларини ўтказиш жараёнини тезлаштириш мақсадида хорижий давлатлар фуқаролари учун ишлаб чиқилган. Шу муносабат билан “Дўстлик – автомобил йўли” (QR) назорат-ўтказиш пунктида Қирғизистондан Ўзбекистонга йўл олиш учун автотранспорт воситаларининг тирбандлиги қайд этилган”, — дейилади хизмат хабарида.
«Ўзбекистон томонидан янги дастурий таъминотни жорий этиш юзасидан юк машиналари ҳайдовчилари билан тушунтириш ишлари олиб борилмоқда», дейилади Қирғизистон Республикаси тарқатган хабарда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
