Хитойда букланадиган смартфонлар бозори 2023 йилнинг иккинчи чорагида сезиларли даражада ўсди. Етказиб бериш 173 фоизга ошди, дея хабар беради «Синхуа» агентлиги.
Умуман олганда, йилнинг биринчи ярмида Хитой бозорига йиғиладиган смартфонлар етказиб бериш ҳажми 2,27 миллион донага етди. Бу ўтган йилга нисбатан 102 фоизга кўпдир.
Хитойда энг машҳур букланадиган смартфонлар Huawei томонидан ишлаб чиқарилган. Ҳозир у бозорнинг 43 фоизини эгаллайди. Кучли учликка, шунингдек, Vivo (19,7%) ва Oppo (15,9%) киради.
Агентликнинг қайд этишича, ушбу гаджетлар смартфонлар бозорининг ўсиш суръатларини кўрсатаётган ягона сегментини эгаллайди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
