«Mediazona» va «BBC» jurnalistlari hamda ko’ngillilar ishtirokida tayyorlangan ma’lumotga ko’ra, Ukrainaga qarshi urushda halok bo’lgan Rossiya harbiylarining soni 49 mingdan oshgan. Hisobot ochiq manbalardan olingan ma’lumotlarga, xususan OAV xabarlariga asoslanadi.
Hisobotga ko’ra, o’tgan yil 15-mart kuni taqdim etilgan hisobot bilan solishtirilsa, o’limlar soni 1600 taga ko’paygan. Qurbonlarning 3300 nafardan ziyodi ofitserlar bo’lgan. Ularning 400 nafardan ziyodi podpolkovnik va undan yuqori unvon egalaridir.
Shuningdek, eng ko’p o’lim urushga jalb etilgan mahbuslar orasida qayd etilgan: 9 ming. Undan tashqari, ko’ngillilardan 6500 kishi halok bo’lgan – 13%.
Harbiy safarbarlik vositasi bilan urushga jalb etilganlar orasida o’limlar soni 6 mingdan kamroq, ya’ni 12%ni tashkil etgan.
Eng ko’p o’lim 33-35 yosh oralig’idagi harbiylar o’rtasida qayd etilgan – 5 mingdan ziyod.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
