Kecha, 16-aprel kuni soat 23:30 lar atrofida Toshkent shahrining Shayxontohur tumanida 5 ta avtomashina ishtirokida yo‘l-transport hodisasi sodir bo‘ldi. Bu haqda Toshkent shahar IIBB Yo‘l harakati xavfsizligi boshqarmasi xabar berdi.
Qayd etilishicha, YTH soat 23:30 larda Shayxontohur tumani Furqat ko‘chasida Nexia-3, Nexia-2, “Moskvich-412”, Tracker 2, Monza rusumli avtomashinalar ishtirokida sodir bo‘lgan.
Hodisa oqibatida qurbonlar va jarohat olganlar yo‘q.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
