Armanistonning rasmiy axborot agentligi Armenpress xabariga ko‘ra, Tavush viloyati diniy vakili arxiyepiskop Bagrat Galstanyan tomonidan tashkil etilgan “Vatan uchun Tavush” yurishi ishtirokchilari, shuningdek, mitingga viloyatlardan kelganlar yig‘ilgan.
Galstanyan o‘z nutqida bosh vazir Pashinyan iste’fosini talab qildi va iste’foga chiqishi uchun bir soat vaqt berdi. Pashinyan ma’muriyati arxiyepiskopga javob bermadi.
Namoyishchilar Ozarbayjon bilan chegarani belgilash ishlari olib borilayotganda hududiy yon berishda ayblagan Pashinyanning iste’fosini talab qilib shiorlar aytishdi.
Miting vaqtida noma’lum shaxs yuk mashinasini namoyishchilar tomon haydab yubordi. Haydovchi yuk mashinasini ko‘tarilgan samosval bilan bir muddat haydab yurgan va biroz vaqt o‘tgach, maydondagi odamlarning munosabati ta’sirida to‘xtagan.
U yerda bo’lgan politsiya xodimlari erkakni qo’lga olishdi.
Armaniston Tergov qo‘mitasi hodisa yuzasidan tekshiruv boshladi.
Arxiyepiskop Galstanyan tunni maydonda namoyishchilar bilan o‘tkazishini ma’lum qildi.
4-may kuni Arman Apostol cherkovi tomonidan uyushtirilgan ayrim fuqarolar va siyosatchilar poytaxtga Tavushdan, 8-may kuni esa Gyumridan (Shirak viloyati) yurish boshladi.
Galstanyan marsh ishtirokchilarini va barcha armanlarni Pashinyanga qarshi mitingga qo‘shilishga taklif qildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
