Isroil armiyasi G‘azo sektori janubidagi Rafah shahri va blokadadagi anklavning shimoliy qismidagi ko‘p sonli hududlar aholisiga belgilangan “xavfsiz hududlar”ga evakuatsiya qilishni buyurdi. Bu haqda Isroil armiyasining rasmiy vakili Avichai Adrai X ijtimoiy tarmog’ida ma’lum qildi.
Xususan, Adraei Isroil armiyasi HAMASga hujum qilishi sababli bu hududlar aholisidan belgilangan “xavfsiz hududlar”ga ko‘chib o‘tishni talab qildi.
Adrai, avvalroq Shabbura va Rafah lagerlari, shuningdek, Rafah shahrining sharqiy qismidagi Idari, Al-Jenina va Khirbet Ads mahallalarida boshpana topgan falastinliklarning zudlik bilan Al-Mavasi hududiga borishini talab qildi.
Isroil armiyasi voizi G‘azo sektori shimolidagi Jebaliya, Selam, Nur, Tel Zater, Bayt Lahiya, Jebaliya lageri, Izbet Mellin, Ravda, Nuzhe, El-Jerin, Nahda va Zuhur hududlari aholisining ko‘chib o‘tishlari kerakligini ta’kidladi.
G‘azo shimolida yashovchilarga sim to‘siqlarga yaqinlashish taqiqlangan, deya qo‘shimcha qildi u. Adrai o‘z postiga evakuatsiya qilinishi kerak bo‘lgan hududlar xaritasini ham kiritgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
