Isroil Rafah qochqinlar lageriga AQShda ishlab chiqarilgan aniq uradigan bombalarni tashladi. G’azo sektori janubidagi shaharda gavjum chodirlar guruhiga uyushtirilgan hujum kamida 45 kishining hayotiga zomin bo’ldi va yuzlab odamlar yaralandi.
CNN jurnalistlari voqea joyidan olingan videoni tahlil qilib, shunday xulosaga kelishdi. Kadrlarda qutqaruvchilar va shifokorlar vayronalar ostidan olib chiqishga urinayotgan paytda vahima ichida qolgan omon qolganlarning kuydirilgan jasadlar orasiga yugurib kelayotganini ko‘rish mumkin.
Portlovchi qurollar boʻyicha mutaxassislar jurnalistlarga videoda Amerikada ishlab chiqarilgan GBU-39 bombasi qoldiqlari borligini tasdiqladi. Voqea joyidan topilgan seriya raqamlari AQSh bomba ishlab chiqaruvchilariga ham mos kelgan, deb xabar berdi CNN.
Pentagon Rafahdagi qochqinlarga qarshi qanday oʻq-dorilar qoʻllanganini bilmasliklarini aytdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
