Bugun, 31-may kuni O‘zbekistonda o‘tkazilayotgan navbatdagi nufuzli tadbirlar doirasida Islom hamkorlik tashkilotiga a‘zo davlatlar turizm vazirlarining XII sessiyasi o‘z ishini boshladi.
Ayni daqiqalarda Xiva shahrida IHTga aʼzo – Turkiya, Senegal, Somali, Qozog‘iston, Tojikiston, Turkmaniston, Uganda, Ozarbayjon, Bangladesh, Burkina-Faso, Gabon, Misr, Iroq, Liviya, Malayziya, Indoneziya, Singapur, Maldiv orollari, Ummon, BAA va boshqa bir qator mamlakatlarning turizm rasmiylari ishtirokida tashkilotning Turizm bo‘yicha muvofiqlashtiruvchi qo‘mitasining IX majlisi o‘tkazilmoqda.
Unda tashkilot doirasida sayyohlar oqimini oshirish, turizmning yangi yo‘nalishlarini rivojlantirishda o‘zaro hamkorlik qilish, shuningdek, to‘siqsiz turizm uchun imkoniyatlarni kengaytirishmasalalarini muhokama qilishmoqda.
Eslatib o‘tamiz, 2022-yil Boku shahrida bo‘lib o‘tgan Islom hamkorlik tashkiloti (IHT) ga a‘zo davlatlar turizm vazirlarining XI sessiyasida ikki yarim ming yillik tarixga ega qadimiy Xiva shahri 2024-yilda “Islom dunyosining turizm poytaxti” deb e‘lon qilingan edi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
