Genotsidda ayblanuvchi maqola Garvard yuridik fakulteti aspiranti va falastinlik Rabea Egbariya tomonidan yozilgan.
Qo’shma Shtatlarda Columbia Law Review yuridik jurnalining sayti Kolumbiya universiteti talabalari tomonidan tahrirlangan Isroilni genotsidda tanqid qiluvchi va ayblovchi maqola e’lon qilinganidan keyin o’chirib qo’yildi.
Jurnal muharrirlarining xabar berishicha, universitet direktorlar kengashi Garvard yuridik fakulteti aspiranti falastinlik Rabea Egbariyaning Nakba haqidagi maqolasi chop etilishiga yo‘l qo‘ymaslik uchun ularga bosim o‘tkazgan.
Maqola e’lon qilinganidan so’ng Kolumbiya universiteti direktorlar kengashi a’zolari – yuridik fakultet o’qituvchilari va bitiruvchilari jurnal veb-saytini o’chirishga qaror qilishdi.
Jurnal muharrirlaridan biri Sohum Palning aytishicha, kengash tarkib tufayli saytni to’g’ridan-to’g’ri o’chirib qo’yishga qaror qilgan va maqola ekspert tekshiruvidan o’tmagan degan yolg’on da’volarni chiqargan.
Maqola muallifi saytning yopilishini “AQShdagi kollejlar kampuslarida kuzatilayotgan keng ko‘lamli avtoritar repressiyaning kichik bir qismi” sifatida ko‘rish kerakligini ta’kidlagan.
The New York Times gazetasining yozishicha, seshanba oqshomidan boshlab 123 yoshli jurnal veb-saytiga tashrif buyuruvchilar faqat “Veb-sayt ta’mirda” degan bo‘sh sahifani ko‘rishgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
