Bangladeshda 2 millionga yaqin aholi vakillari mamlakat shimoli-sharqida sodir bo‘lgan toshqindan jabr ko‘rdi. Bu haqda mamlakat tabiiy ofatlarga qarshi kurash bo‘yicha davlat vaziri Mohibbur Rahmon ma’lum qildi.
“Bu yil 15 okrugda 2 millionga yaqin aholi kuchli yomg‘ir oqibatida yuzaga kelgan suv toshqinlaridan jabr ko‘rdi”, deydi Mohibbur Rahmon.
Vazir, shuningdek, suv toshqinida halok bo‘lganlar yo‘qligini ta’kidladi. Zarar ko‘rgan 36 mingdan ortiq fuqaroga boshpana ajratilganini ham ma’lum qildi.
“Hukumat jabrlanganlarga jami 58,5 ming tonna oziq-ovqat va moliyaviy yordam berdi”, dedi u.
Bangladeshda avgust yoki sentyabr oylarida yana suv toshqini bo‘lishi ehtimoli tufayli tayyorgarlik ishlari olib borilmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
