Prezident Shavkat Mirziyoyev davlat oliy taʼlim muassasalariga qabul jarayonlari, oliy taʼlim tizimida sifatni oshirish va xalqaro oʻquv dasturlarini tatbiq etishga oid hisobot bilan tanishdi.
Mutasaddilar 2024/2025 oʻquv yili uchun oliy taʼlim muassasalariga kadrlar tayyorlash davlat buyurtmasi rejasi boʻyicha axborot berdi.
Toshkent shahrida Amerika texnologiyalar universiteti ochilishi kutilmoqda
Oʻzbekiston Prezidentining 2023-yil sentyabr oyida AQSHga tashrifi chogʻida taʼlim sohasi boʻyicha ham kelishuvlarga erishilgan edi. Shunga muvofiq, Toshkent shahrida Amerika texnologiyalar universiteti ochilishi kutilmoqda.
Uning faoliyati 2024/25 oʻquv yilidan boshlanadi. Universitetda muhandislik, arxitektura va dizayn, axborot texnologiyalari, sogʻliqni saqlash, iqtisodiyot va moliya, xalqaro munosabatlar sohalari uchun kadrlar tayyorlanadi.
Bitiruvchilarga Arizona davlat universiteti yoki AQSHda tan olinadigan hamkor xorijiy universitetning diplomi beriladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
