Maskning o‘zi sobiq prezident taklifiga qarshilik bildirmagan.
AQSHning sobiq prezidenti Donald Tramp tadbirkor Ilon Maskni maslahatchi etib tayinlash istagini ma’lum qildi.
Reuters jurnalisti siyosatchidan agar u 5-noyabr kuni bo‘lib o‘tadigan prezidentlik saylovlarida g‘alaba qozonsa, Maskni maslahatchi yoki vazir etib tayinlashni xohlaysizmi, deb so‘radi.
Tramp ijobiy javob berdi. «U juda aqlli yigit. Albatta, agar u rozi bo‘lsa, men qarorni amalga oshirardim. U ajoyib yigit», dedi Donald Tramp.
Intervyu e’lon qilinganidan ko‘p o‘tmay, Ilon Mask o‘zining X ijtimoiy tarmog‘ida:» Men xizmat qilishga tayyorman» deb yozdi.
Eslatib o‘tamiz, Tramp va Mask o‘rtasida ijobiy aloqalar saqlanib qolmoqda.
Donald Tramp iyul oyida suiqasddan omon qolganidan keyin Ilon Mask uni saylovdagi kurashda qo‘llab-quvvatladi.
12-avgust kuni Donald Tramp Ilon Maskning X ijtimoiy tarmog‘iga qaytdi. U yerda u o‘zining saylovoldi tashviqoti videosini joylashtirdi. Bu Trampning 2023-yil avgustidan beri X dagi birinchi posti edi. Siyosatchi Ilon Maskga ikki soatlik intervyu ham berdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
