Jahon meteorologiya tashkiloti 2024-2025 yillar qishida qattiq sovuq tushishi va qor bo‘ronlari bo‘lishi mumkinligidan ogohlantirdi. Bu yoz oylarining kuzatuvlar tarixidagi eng issiq bo‘lishiga xizmat qilgan El-Nin’o iqlim hodisasi o‘rnini La-Nin’ya egallagani bilan izohlandi.
Jahon meteorologiya tashkiloti (WMO) ko‘plab mamlakatlarni 2024-2025-yillar qishida qattiq sovuq tushishi va qor bo‘ronlari bo‘lishi mumkinligidan ogohlantirdi
Qayd etilishicha, global isish tufayli issiqlik taqsimoti muvozanatining buzilishi va ular bilan birga keladigan bo‘ronlar og‘ir tabiiy sharoitlarni yaratadi. El-Nin’o hodisasi tufayli yozning jazirama issig‘idan keyin qish oylarida sovuq harorat va qor bo‘ronlari kuzatilishi mumkin.
2024 yilning oktyabri va 2025 yil fevrali orasi muhim davr
WMO joriy yil oxirigacha La-Nin’ya sodir bo‘lish ehtimoli 60 foizni tashkil qilishini ma’’lum qildi. Shamol, bosim va yog‘ingarchilik kabi tropik atmosfera tsirkul’yatsiyasidagi o‘zgarishlar 2024- yil oktyabr va 2025 yil fevral oylarida kuzatilishi mumkin.
La-Nin’ya qanday sodir bo‘ladi?
Shamol, bosim va yog‘ingarchilik kabi tropik atmosfera o‘zgarishlariga sabab bo‘ladigan La-Nin’ya hodisasi Tinch okeani va sharqiy ekvatorial qismida okean yuzasi haroratining o‘zgarishi bilan birga, bo‘ronlar, bo‘ronlar va kuchli qor ta’siriga ega. La-Nin’ya El-Nin’oning teskari ta’siriga ega.
«Har bir La-Nin’ya hodisasining ta’siri uning intensivligi, davomiyligi, yil vaqti va boshqa iqlim omillari bilan o‘zaro ta’siriga qarab o‘zgaradi», deyiladi tayyorlangan hisobotda.
Rekord darajadagi issiq yillar
«Biz 2023 yilning iyun oyidan beri global quruqlik va dengiz yuzasi haroratining uzoq muddatli o‘sishiga guvoh bo‘ldik. Hatto qisqa muddat sovitadigan La-Nin’ya hodisasi sodir bo‘lsa ham, bu atmosferani issiq ushlab turadigan issiqxona gazlari tufayli global haroratning uzoq muddatli trayektoriyasini o‘zgartirmaydi”, – dedi WMO bosh kotibi Selest Saulo.
Saulo, shuningdek, 2020 yildan 2023 yil boshigacha davom etgan La-Nin’ya hodisasining sovitish ta’siriga qaramay, so‘nggi 9 yil rekord darajadagi eng issiq yillar bo‘lganini ta’kidladi.
Oxirgi 3 oyda neytral sharoitlar (El-Nin’o ham, La-Nin’ya ham emas) hukmron bo‘lganini ta’kidlagan Saulo kuchli issiqlik va kuchli yomg‘irlar bilan birga keng tarqalgan ekstremal ob-havo sharoitlari kuzatilganini bildirdi.
Saulo iqlim o‘zgarishi va ekstremal ob-havo hodisalariga qarshi kurash bo‘yicha «Barcha uchun erta ogohlantirishlar» tashabbusi WMO‘ning asosiy ustuvor yo‘nalishi bo‘lib qolayotganini ta’kidladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
