Uning so‘zlariga ko‘ra, guruh Yaman hujumlarini to‘xtatish maqsadida Qo‘shma Shtatlardan Sanodagi hukumatini tan olish bo‘yicha «vasvasa takliflar» olgan.
Husiylar vakilining bayonoti mintaqada keskinlik kuchaygan bir paytda yangramoqda. Bir kun avval huciylar ballistik raketa uchirdi va u ilk bor Isroilning markaziga yetib bordi. Husiylar harbiy voizi Yahyo Sariyaning aytishicha, raketa 11,5 daqiqada 2040 km masofani bosib o‘tgan va u ushlanmagan.Isroil Bosh vaziri Benyamin Netanyaxu huciylar hujum uchun «katta to‘lov» to‘lashiga va’da berdi.
Yamanda hududning katta qismi mamlakatdagi shia ozchilikni ifodalovchi va Eron tomonidan qo‘llab-quvvatlanadigan huciy isyonchilar tomonidan nazorat qilinadi. Huciylar 2014- yilda poytaxt Sanoni qo‘lga kiritgan va o‘shandan beri mamlakatning katta qismlarida hokimiyatni qo‘lga kiritgan.
Isroil Falastin anklaviga bostirib kirganidan beri Yaman harakati falastinliklar bilan birdamlik e’lon qildi va G‘azo sektorini qo‘llab-quvvatlash maqsadida hujumlarni davom ettirishga va’da berdi. 2023 yil 31-oktabrdan beri Eron tomonidan qo‘llab-quvvatlanadigan hutiylar Yaman qirg‘oqlari yaqinida Isroilga tegishli tijorat kemalariga muntazam hujum qilib kelmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
