Jahon banki Sharqiy Yevropa va Markaziy Osiyoga oid koʻrsatkichlarni taqdim etdi.
Jahon banki hisobotiga koʻra, Oʻzbekiston 2024-yilda Yevropa va Markaziy Osiyoning eng tez rivojlanayotgan iqtisodiyotlari orasida yetakchi oʻrinlardan birini egalladi.
Jahon banki hisoboti mintaqada iqtisodiy oʻsish bir necha inqirozlardan keyin barqarorlasha boshlaganini koʻrsatadi. Ammo stavkalar 2000-yillarning boshlarida kuzatilgan darajadan pastligicha qolmoqda.
YaIM oʻsish surʼatlari eng yuqori boʻlgan davlatlar orasida Gruziya (7,5 foiz), Tojikiston (7,2 foiz) va Oʻzbekiston (6 foiz) yetakchilik qilmoqda.
Umuman olganda, mintaqa uchun oʻsish surʼati oʻtgan yilgi 3,5 foizdan bu yil 3,3 foizgacha, 2025-yilga kelib esa 2,6 foizgacha sekinlashishi kutilmoqda.
Rossiyada qattiq pul-kredit siyosati va ishlab chiqarish quvvati va mehnat resurslariga borgan sari majburiy cheklovlar oʻsishni 2023-yildagi 3,6 foizdan joriy yilda 3,2 foizga va 2025- yilda 1,6 foizga sekinlashtirishi kutilmoqda.
Mintaqaning Rossiyadan keyin ikkinchi yirik iqtisodiyoti boʻlgan Turkiyada oʻsish 2023-yildagi 5,1 foizdan bu yil 3,2 foizga sekinlashdi.
Oʻzbekiston boʻyicha 2025-yil uchun moʻljallangan prognozlar mamlakat yalpi ichki mahsulotning 5,8 foiz oʻsishini koʻrsatmoqda, mamlakat bu bilan mintaqada yetakchiga aylanishi mumkin.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
