O‘zbekistondagi mustaqil “Ezgulik” inson huquqlari jamiyati rahbari Abdurahmon Tashanov so‘nggi kunlarda o‘z shaxsiga nisbatan turli bosim va tazyiqlar bo‘layotganini maʼlum qildi.
26-yanvar kuni Tashkent xalqaro aeroportida Hindistonga uchish uchun kelgan Tashanovning pasportini olib qo‘yishgan va uni 1 soatdan ortiq ushlab turishgan. Huquq faolining aytishicha, u aeroport xodimlari tomonidan haqoratomuz munosabatga duchor bo‘lgan.
“Menga nisbatan bunday munosabat inson huquqlariga mutlaqo zid. Bu sharmandali va haqoratli holatdir,” — deya taʼkidladi Tashanov.
Shuningdek, Tashanovning maʼlum qilishicha, u 22 yanvar kuni o‘z shaxsiga qarshi kompromatlar yig‘ish harakatlari haqida xabar olgan. Uning fikricha, nomaʼlum shaxslar uni obro‘sizlantirishga va jamiyat faoliyatiga to‘sqinlik qilishga harakat qilmoqda.
“Bu qoralash urinishlari menga qarshi kurashish harakati ekanini tushunib turibman, ammo men bundan qo‘rqmayman,” — dedi Tashanov.
Huquq faoli endi O‘zbekiston prezidenti Shavkat Mirziyoyevga murojaat qilish niyatida ekanini maʼlum qildi. Uning aytishicha, bu murojaat so‘nggi instansiya hisoblanadi va u vaziyatga oydinlik kiritishga xizmat qiladi.
Eslatib o‘tamiz, “Ezgulik” inson huquqlari jamiyati O‘zbekistondagi huquqbuzarliklarga qarshi kurashishda faoliyat yuritadi. 2024 yil dekabr oyida mazkur jamiyat Fransiyada inson huquqlari sohasidagi nufuzli mukofotga sazovor bo‘lgan edi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
