Birinchi fevral holatiga, O‘zbekiston Respublikasining xalqaro zaxiralari qiymati 42,9 mlrd dollarni tashkil qildi. Bu – bir oy oldingidan 1,7 mlrd dollarga ko‘p. Ushbu maʼlumotlar Markaziy bank saytiga joylangan.
Yanvar oyida xorijiy valyutadagi aktivlar keskin qisqargan. Zaxiraning bir qismi 1,3 mlrd dollarga kamayib, 7,3 mlrd dollarga tushgan.
Zaxiralar umumiy qiymatining o‘sishi oltin qimmatlashayotgani bilan bog‘liq: “moliyaviy yostiqcha”ning oltin qismi 32 mlrd dollardan 35 mlrd dollarga yetgan. Oltinning sof fizik hajmi esa biroz oshgan: dekabrda 12,30 mln troya unsiyani tashkil qilgan bo‘lsa, yanvarda 12,56 mln troya unsiyaga yetgan.
“Oy davomida oltin narxi 2 610,85 dollardan 2 791,50 dollargacha oshishining taʼsiri +2 mlrd 269,1 mln dollarni tashkil etdi”, – deyiladi MB maʼlumotida.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
