Jizzaxda fuqaro 19 tup daraxtni noqonuniy kesib tashladi, deb ma’lum qildi viloyat prokuraturasi.
Ta’kidlanishicha, 2024-yil 18-dekabr kuni fuqaro T.A. tomonidan Zarbdor tumanidagi “Keriz” qabristoni hududidan qimmatbaho (manzarali) bo‘lgan 17 tup past bo‘yli qayrag‘och va 2 tup ko‘k terak daraxtini noqonuniy kesishi oqibatida o‘simlik dunyosiga 435 mln 750 ming so‘m zarar yetkazilgan.
Ushbu holat yuzasidan viloyat prokuraturasi tomonidan Jinoyat kodeksining 198-moddasi (Ekinzorlarni, o‘rmonlarni, daraxtlarni yoki boshqa o‘simliklarni shikastlantirish yoxud nobud qilish) bilan jinoyat ishi qo‘zg‘atilgan bo‘lib, tergov harakatlari olib borilmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
