Hindiston bosh vaziri Narendra Modining xorijga safari chog‘ida samolyotini portlatmoqchi bo‘lishdi, deb Hindustan Times xabar berdi.
Samolyotga hujum rejalashtirilgani haqida ogohlantiruvchi qo‘ng‘iroq politsiyaga kelib tushgan. Tegishli ogohlantirish 11-fevral kuni olingan. Politsiya ma’lumotning jiddiyligini hisobga olib, boshqa agentliklarni xabardor qilgan va tergovni boshlagan.
Mumbayning Chembur tumanidan qo‘ng‘iroq qilgani aytilayotgan shaxs qo‘lga olingan. U ruhiy kasallikka chalingani aniqlangan. Xabar yolg‘on bo‘lgani haqida ma’lumot mavjud emas.
Ma’lumot uchun Modi 10-fevral kuni Fransiya va AQSHga to‘rt kunlik tashrifini boshlagan. Bugun u prezident Donald Trampning taklifiga binoan qo’shma shtatlarga keladi. Tramp prezidentlikka kirishgach, AQSHga tashrif buyurgan to‘rtinchi jahon yetakchisi Modi bo‘ladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
