Jismoniy shaxslar, yakka tartibdagi tadbirkorlar va yuridik shaxslarning banklardagi omonatlarini himoya qilishi endilikda Prezidentning kecha qabul qilgan «Banklardagi omonatlarni himoya qilish kafolatlari to‘g‘risida”gi qonuni (O‘RQ-1031-son) bilan kafolatlanadi.
Omonatlarni kafolatlash agentligi – vakolatli organ
Omonatlarning himoya qilinishini ta’minlash vazifasi Omonatlarni kafolatlash agentligiga yuklatilgan. Agentlik kafolatlash hodisasi yuzaga kelganda omonatchilarga kompensatsiya to‘lash orqali ularning huquq va manfaatlarini himoya qiladi.
Kafolatlash tizimining ishtirokchilari kimlar?
• Banklar, shu jumladan mikromoliya banklari va qonunchilikka muvofiq tashkil etilgan oraliq banklar litsenziya olgan paytdan boshlab kafolatlash tizimining ishtirokchisiga aylanadi.
• Bir bankda bir omonatchiga to‘lanadigan kompensatsiya omonat qoldig‘ining to‘liq hajmini tashkil etadi, agar:
• Omonat 200 million so‘m yoki undan kam bo‘lsa, uning to‘liq summasi kafolatlanadi.
• Agar omonat 200 million so‘mdan ortiq bo‘lsa, kompensatsiya miqdori 200 million so‘m etib belgilanadi.
Ushbu qonun rasmiy e’lon qilingan kundan boshlab kuchga kirdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
