Qo‘shma shtatlar Davlat departamenti o‘z bayonotida Istanbuldagi muzokaralar chog‘ida Rossiya va AQSH vakillari so‘nggi uch yil davomida falaj bo‘lib qolgan diplomatik missiyalar faoliyatini ikki tomonlama normallashtirish bo‘yicha batafsil qadamlarni ishlab chiqqanini tasdiqladi.
Vashington uchrashuvni konstruktiv deb atadi va aloqalarni zudlik bilan davom ettirish bo‘yicha kelishuvga erishganini maʼlum qildi. Kelishuv sanasi va joyi keyinroq muhokama qilinadi.
Agentlikning aniqlik kiritishicha, Amerika tomoni bank xizmatlaridan foydalanish, ishga yollash va Moskvadagi elchixonada shartnoma asosida ishlaydigan xodimlar soni bo‘yicha xavotir bildirgan.
OAV ga ko‘ra, Rossiya-Amerika muzokaralarining Istanbuldagi yangi bosqichi taxminan 6,5 soat davom etgan. Tomonlar oxirgi marta Ar-Riyodda uchrashgan edi. Rossiya Tashqi ishlar vaziri Sergey Lavrov Turkiyadagi ushbu uchrashuv ikki davlatning dolzarb masalalarni tez va samarali hal qilishga tayyorligi nuqtai nazaridan dalolat bo‘lishini qayd etdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
