FVV qutqaruvchilari tog‘da yo‘ldan adashib qolgan fuqarolarga amaliy yordam ko‘rsatdi. Bu haqda FVV matbuot xizmati xabar berdi
Xabarda aytilishicha, kecha, 5-aprel kuni soat 18:15 da Toshkent viloyati FVBga Boʻstonliq tumani hududidagi «Katta Chimyon» togʻiga sayr qilish maqsadida borgan 3 nafar fuqaro yo‘ldan adashib, togʻning yuqori qismidan pastga tusha olmayotganligi va yordam zarurligi haqida xabar kelib tushgan.
Xabarga asosan, qidiruv-qutqaruv ishlariga zudlik bilan Chimyon yongʻin-qutqaruv otryadining bir guruh qutqaruvchilari jalb qilingan.
Qutqaruvchilar tomonidan olib borilgan saʼy-harakatlar natijasida fuqarolarning joylashgan joyi aniqlanib, tog‘ning dengiz sathidan tahminan 3100 metr balandligidan sogʻ-salomat xavfsiz hududga olib tushilgan.
Hodisa oqibatida tan jarohati olganlar yoʻq, deyiladi xabarda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
