Davlat xavfsizlik xizmati va Bojxona xodimlari hamkorligida o‘tkazilgan tezkor tadbir davomida Tojikistonga noqonuniy valyuta olib o‘tishga urinish fosh etildi.
Ma’lum qilinishicha, Bekobod shahrida yashovchi, 1991-yilda tug‘ilgan fuqaro katta miqdordagi pul mablag‘larini 34 nafar tashuvchi orqali «Farhod» chegara postidan olib chiqmoqchi bo‘lgan.
Qismlarga bo‘lingan valyuta miqdori quyidagicha:
- 18,68 mln rubl
- 140,7 ming tojik somoni
- 180 mln so‘m
Avtomobil tekshiruvi davomida qo‘shimcha mablag‘lar ham topilgan:
- 13,5 mln rubl
- 24 ming tojik somoni
- 885 yevro
- 300 dollar
- 300 yuan
- 6 840 qirg‘iz so‘mi
- 10,2 mln so‘m
Umumiy qiymat 5 mlrd 200 mln so‘mdan ortiq ekani qayd etildi.
Mazkur holat yuzasidan fuqaro ustidan Jinoyat kodeksining 182-moddasi 2-qismi «a» bandi (valyuta qoidalarini buzish) bilan jinoyat ishi qo‘zg‘atildi. U hibsga olingan, tergov ishlari davom etmoqda. Hozirda valyuta mablag‘larining haqiqiy egalari aniqlanmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
