Toshkent shahar hokimligi poytaxtda markazlashgan issiqlik taʼminoti ishga tushirilish sanasini eʼlon qildi.
Qayd etilishicha, meteorologiya xizmati maʼlumotlariga ko‘ra, ijtimoiy obyektlarda issiqlik taʼminoti 2025-yil 3-noyabrdan, turar joy obyektlarida esa 5-noyabrdan boshlab yo‘lga qo‘yiladi.
Turar joy yoki boshqa muassasalarda issiqlik taʼminoti yoqilishida muammo kuzatilsa yoki issiqlik yetkazib beruvchi masʼullar ishni to‘liq bajarmayotgan bo‘lsa, fuqarolardan 1055 yoki 71 210-01-87 telefon raqamlariga murojaat qilish so‘ralgan.
Maʼlumki, O‘zbekiston bo‘ylab isitish mavsumida tabiiy gaz isteʼmoli bo‘yicha bazaviy meʼyor 4 oyga 5 barobarga oshirilgan. Endilikda noyabr—fevral oylarida har bir oy uchun 500 kub metrgacha, mart—oktyabr oylarida esa 100 kub metrgacha meʼyor belgilanadi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
