2025-yil 17–23-noyabr kunlari Afgʻonistonning Kobul shahrida “Imom Abu Hanifa” IV xalqaro ko‘rgazma va savdo yarmarkasi bo‘lib o‘tadi. Tadbirda Made in Uzbekistan milliy stendi bilan 90 nafar o‘zbekistonlik tadbirkor qatnashadi. Bu haqda Savdo-sanoat palatasi ma’lum qildi.
Delegatsiya Kobulga yetib bordi
Palata xabariga ko‘ra, o‘zbekistonlik tadbirkorlardan iborat delegatsiya allaqachon Kobulga yetib kelgan va ko‘rgazmaga tayyorgarlik ishlarini boshlagan.
Ko‘rgazma maqsadi — mahalliy mahsulotlarni targ‘ib qilish
Tadbirdagi asosiy vazifa quyidagi yo‘nalishlarda faoliyat yuritayotgan o‘zbekistonlik ishlab chiqaruvchilar mahsulotlarini namoyish etishdan iborat:
- qishloq xo‘jaligi,
- konchilik,
- energetika,
- ta’lim,
- qurilish,
- avtomobilsozlik,
- sog‘liqni saqlash,
- turizm,
- to‘qimachilik va boshqa sohalar.
Ko‘rgazmada 5 mingdan ortiq kompaniya, shuningdek Eron, Qirg‘iziston va Hindistondan kelgan biznes vakillari ishtiroki kutilmoqda.
B2B uchrashuvlar tashkil etiladi
Ko‘rgazma doirasida tadbirkorlar uchun B2B uchrashuvlar o‘tkaziladi. Bu:
- to‘g‘ridan to‘g‘ri biznes muzokaralari,
- yangi hamkorlar topish,
- qo‘shma loyihalarni yo‘lga qo‘yish
uchun keng imkoniyat yaratadi.
Surxondaryo–Balx hamkorligi rivojlanmoqda
Avvalroq Surxondaryo viloyati va Afg‘onistonning Balx viloyati o‘rtasida hamkorlik bo‘yicha ishchi komissiya yig‘ilishi o‘tkazilgani ma’lum qilingandi. Uchrashuv doirasida:
- eksport faoliyatiga oid tashkilotlar rahbarlari,
- tadbirkorlar o‘rtasida ochiq muloqot,
- B2B formatidagi muzokaralar
bo‘lib o‘tgan.
Delegatsiya Termiz xalqaro savdo markazining faoliyati va Afgʻonistondan olib kelinayotgan mahsulotlar ko‘rgazmasi bilan ham tanishgan.
Muzokaralar yakunida Surxondaryo viloyati Savdo-sanoat palatasi va Afg‘oniston Savdo-sanoat palatasi o‘rtasida hamkorlik memorandumi imzolandi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
