Kecha tunda Ukraina qurolli kuchlari Qrimni yirik o‘qqa tutdi, uning asosiy nishoni Sevastopol yaqinidagi Belbek harbiy aerodromi bo‘ldi. Havo hujumini Rossiya tomonidan tayinlangan mintaqaviy hokimiyatlar tasdiqladi.
Rossiyaning 4-gvardiya havo mudofaasi armiyasining 38-qiruvchi aviatsiya polki joylashgan aerodrom hududida portlashlar dastlab mahalliy vaqt bilan soat 2:00 da qayd etilgan. Bu haqda mahalliy aholi orasidan guvohlar ASTRAga xabar berishdi. Ularning so‘zlariga ko‘ra, 20 ga yaqin raketa bo‘lgan, hujumlar ortidan harbiy ob’ektda kuchli o‘t boshlangan.
Kechqurun Moskva tomonidan Sevastopol gubernatori etib tayinlangan Mixail Razvojaev o‘zining Telegram-kanalida tez orada raketa hujumiga izoh berdi.
“Harbiylarimiz Sevastopolga qilingan yirik hujumni qaytardi. Bu soatdagi vaziyat: Fedorovskaya ko’chasi hududida, urib tushirilgan raketaning bo’laklari xususiy sektorga tushdi. Jabrlanganlar haqidagi ma’lumotlarga aniqlik kiritilmoqda. Urib tushirilgan raketalar turiga aniqlik kiritilmoqda”, — deb yozgan rasmiy.
Rossiya ommaviy axborot vositalari Qrim ko‘prigida transport harakati vaqtincha to‘xtatilishi haqida ogohlantirdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
