O‘zbekiston milliy terma jamoasi futbolchisi Abduqodir Husanov jarohat sababli KXDRga qarshi JCH-2026 saralash o‘yinini o‘tkazib yuboradi. Bu haqda O‘zbekiston futbol assotsiatsiyasi matbuot xizmati xabar berdi.
Shifokorlarning tavsiyasiga ko‘ra, futbolchining kichik jarohati jiddiy ko‘rinish olishidan saqlash maqsadida murabbiylar shtabi uni maydonga tushirmaslikka qaror qilgan.
Ma’lumot uchun, Abduqodir Husanov Fransiyaning “Lans” klubi a’zosi hisoblanadi. 20 yoshli himoyachi joriy mavsum klubi safida 3 ta o‘yinda maydonga tushishga ulgurdi. Transfermarkt’ga ko‘ra himoyachining qiymati 2,5 million yevroni tashkil etadi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
