Hizbulloh Isroil shimolidagi 25 ta aholi manziliga oʻrnashgan yahudiy koʻchmanchilarga uy-joylarini tark etishlarini buyurdi.
Aslida Isroil shimolidagi aholining katta qismi uy-joylarini tashlab, tinchroq hududlar yoki xorijga ketgan. Ularning uylarini esa anchadan buyon Isroil askarlari egallagan boʻlib, ulardan asosan kazarma sifatida foydalanmoqda.
Bu esa, oʻz navbatida, ushbu aholi manzillarini islomiy qarshilik harakatlarining havo va raketa kuchlari uchun qonuniy nishoniga aylantirdi.
«Hizbulloh» harakati shu paytga qadar turar-joy binolarini vayronalarga aylantirayotgan dushmandan farqli oʻlaroq, faqat harbiy nishonlarga hujum qilib kelgan: Livan janubida bosqinchilar bir vaqtning oʻzida 100 ga yaqin uylarni portlatib yubordi.
«Hizbulloh»ning soʻnggi hujumlari chastotasi va aniqligi oshganini koʻrsatmoqda. Harakat shimolga, shu jumladan Hayfaga tez-tez hujum qila boshladi. Bu er Isroilning sanoat markazlaridan biri hisoblanadi. «Hizbulloh»ning bunday ketma-ket hujumlari Isroilning shimolda yanada koʻproq hududini yoʻqotishiga olib kelishi mumkin.
Ogohlantirishdan qariyb 24 soat oʻtgach, «Hizbulloh» Kiryat-Shmona, Naxariya va Eylat-Xa-Shaxarga va’da qilingan zarbalarni amalga oshirdi.
Koʻchmanchilar orasida vahima hukm surmoqda, bosib olingan hududlar aholisi holdan toygan. Va bu ishgʻol uchun yana bir muammoga aylanishi mumkin.
Bosqinchilarning «quruqlikdagi operatsiya» deb atalayotgan ulkan yoʻqotishlarini ham hisobga olish kerak. Kunduzgi vaqtlarda oldinga siljishmoqda, biroq tunda qarshilik jangchilarining olovidan qochishga majbur boʻlishmoqda. Ishgʻol shifoxonalarining kundalik hisobotlari oʻlganlar va yarador boʻlganlar soni katta ekanini koʻrsatmoqda. Bir kunda bitta shifoxonaga oʻrtacha 50-70 tagacha odam yotqizilmoqda.
Ayni paytda ishgʻolchi armiya AQShdan uzoq muddatli ta’minot olmoqda va butun dunyodan kelgan yollanma askarlar tomonidan qoʻllab-quvvatlanmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
