АҚШ Давлат котиби Энтони Блинкен келаси ҳафта Қозоғистон, Ўзбекистон ва Ҳиндистонга сафар қилади. Бу ҳақида АҚШ Давлат департаменти хабар берди.
Блинкеннинг биринчи манзили 28 феврал куни Қозоғистоннинг Остона шаҳри бўлади ва у ерда икки томонлама ҳамкорликни чуқурлаштириш мақсадида Қозоғистоннинг юқори мартабали расмийлари билан учрашув ўтказилади, дейилади баёнотда.
“Кейин у Марказий Осиёнинг бешта давлати вакиллари билан C5+1 форматидаги йиғилишда иштирок этади”, — дейилади Қозоғистон, Қирғизистон, Тожикистон, Туркманистон ва Ўзбекистон ҳамда АҚШга ишора қилган баёнотда.
Блинкен, шунингдек, бир қатор икки томонлама ва минтақавий масалалар бўйича ҳамкорликни янада ривожлантириш учун Ўзбекистон расмийлари билан учрашиш учун Тошкентга, Ўзбекистонга келади.
1 март куни эса у Г20 ташқи ишлар вазирлари йиғилишида иштирок этиш учун Ҳиндистоннинг Ню-Деҳли шаҳрига боради.
Эслатиб ўтамиз, Блинкен зилзилалар фонида Туркияга ташриф буюриб, Мевлуд Чавушўғлу билан учрашган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
