Endilikda poytaxtning Yakkasaroy tumanidagi “Muqimiy”, Mirobod tumanidagi “Tolariq”, Sergeli tumanidagi Asrobod mahallalarida “Biznesni rivojlantirish banki” ATB tomonidan tashkil etilgan mahalla kutubxonalari bor.
“Ilmdan boshqa najot yoʻq, boʻlmagay ham” shiori ostida amalga oshirilayotgan mazkur xayrli tashabbus bank tomonidan Toshkent shahri mahallalarida olib borilayotgan oʻrganishlar va mahallabay ishlash chora-tadbirlarining mantiqiy davomidir.
Kutubxonalarning ochilish marosimida ishtirok etgan mahallalar faollari “Biznesni rivojlantirish banki”ning bu amaliy harakati mamlakatimizda kitobxonlikni ommalashtirish borasida olib borilayotgan saʼy-harakatlarga hamohang ekanligini taʼkidlashdi. Alohida dizayn asosida jihozlangan kutubxonalarning har birida 500dan kitob, 5 donadan zamonaviy kompyuter jamlanmalari mavjud.
Ulardagi elektron adabiyotlar bazasi 6629 tani tashkil etadi. Kutubxonalar uchun adabiyotlarni saralashda aholining turli yoshdagi vakillari qiziqishlari hisobga olingan. Xususan, oʻz biznesini tashkil etish istagida yurganlar uchun biznesni oʻrgatishga doir adabiyotlar ham taqdim qilindi.
Mahallalarda ochilgan kutubxonalar, ayniqsa, oʻquvchi yoshlarni quvontirdir. Ular endi uylaridan uzoq boʻlmagan manzilda kitoblar va elektron adabiyotlardan bepul foydalanishlari mumkin. Quvonarlisi, “Biznesni rivojlantirish banki”ning tashabbusini qoʻllab-quvvatlagan Oʻzbekiston Yozuvchilar uyushmasi ham mahalla kutubxonalariga kitoblar taqdim etishdi.
Bank axborot xizmati
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!