Readmissiyadan o‘tgan fuqarolarga xorijga chiqish pasporti berish tartibi tasdiqlandi

Adliya vazirligi tomonidan istisno holatlarda readmissiyadan o‘tgan fuqarolarga xorijga chiqish pasportlarini rasmiylashtirish tartibi tasdiqlandi. Hujjat 2025-yil 30-sentyabr kuni 3682-son bilan ro‘yxatdan o‘tkazilgan.

Ma’lumotlarning kiritilishi

Ma’lumotlar “Pasport-viza” tizimiga Migratsiya va shaxsni identifikatsiyalash departamenti orqali kiritiladi.

Pasport quyidagi hollarda beriladi:

1. Xorijda yaqin qarindoshining vafot etishi;

2. Fuqaro yoki uning qarindoshiga chet elda tibbiy yordam zarur bo‘lganda;

3. Xalqaro olimpiada, ta’lim dasturlari yoki sport musobaqalarida ishtirok etish;

4. Chegaradosh hudud yoki anklavlarda yashash;

5. Prezident yoki Vazirlar Mahkamasi topshirig‘ini bajarish.

Ariza topshirish tartibi

Fuqarolar arizalarni Migratsiya va shaxsni identifikatsiyalash departamenti yoki uning hududiy boshqarmalariga taqdim etadi.