Бугун, 30 октябрь куни Тошкент шаҳри кўчаларидан бирида Matiz русумли автомобиль ёниб кетган. Бу ҳақда шаҳар ФВБ хабар берди.
Маълум қилинишича, соат 15:27 да Шайхонтоҳур тумани «Лайлатуғон» кўчасида ёнғин бўлаётгани ҳақида бошқармага хабар келиб тушган.
Шунга кўра, иккита ёнғин-қутқарув экипажи воқеа жойига етиб борган ва ёнғин ўчирилган.
Ёнғин оқибатида автомобиль тўлиқ ёниб зарарланган.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Ёнғин натижасида фуқароларнинг тан жароҳати олиш ва ҳалок бўлиш ҳолатлари қайд этилмаган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
