Бугун, 16 ноябрь куни «Пахтакор» стадионида Ўзбекистон миллий терма жамоаси қўшни Қозоғистон миллий терма жамоасига қарши ўртоқлик учрашувини ўтказди.
Совуқ об-ҳавога қарамасдан учрашув бир мунча қизиқарли кечди ва унда ўзбекистонликлар 2:0 ҳисобида ғалаба қозонишди.
Дастлабки голга «Торпедо» жамоаси ярим ҳимоячиси Ҳожимат Эркинов муаллифлик қилган бўлса, иккинчи гол «Рома» ҳужумчиси Элдор Шомуродов томонидан урилди. Эътиборлиси, ҳар икки гол биринчи таймнинг ўзида урилди.
Иккинчи бўлимда томонлар ҳаракат қилишган бўлса-да, ўйин охиригача ҳисоб ўзгаришсиз қолди. Шу тариқа, Ўзбекистон навбатдаги ғалабасини қўлга киритди.
16 ноябрь (чоршанба)
Ўртоқлик ўйини. Тошкент.
Ўзбекистон – Қозоғистон – 2:0
Ҳакамлар: Сергей Карасёв, Игорь Демешко, Максим Гаврилин (барчаси Россия).
Голлар: 1:0 – Ҳожимат Эркинов 12, 2:0 – Элдор Шомуродов 45.
Ўзбекистон: 1.Ўткир Юсупов, 4.Фаррух Сайфиев, 5.Рустамжон Ашурматов, 7.Отабек Шукуров, 8.Дилшод Саитов (13.Шерзод Насруллаев, 70), 9.Одил Ҳамробеков (Абдулла Абдуллаев, 90+2), 14.Элдор Шомуродов (21.Игорь Сергеев, 84), 15.Умар Эшмуродов, 19.Азизбек Турғунбоев (11.Остон Ўрунов, 70), 20.Ҳожимат Эркинов (6.Сардор Собирхўжаев, 70), 23.Ҳусниддин Алиқулов.
Қозоғистон: 12.Игорь Шацкий, 2.Сергей Малий, 3.Нурали Алип, 7.Аслан Дарабаев (19.Бахтиёр Зайнутдинов, 46), 8.Асхат Тагиберген, 10.Элхан Астанов (5.Исламбек Куат, 80), 16.Михаил Габишев (13.Багдат Каиров, 73), 17.Абат Аймбетов (25.Айбар Жаксиликов, 73), 18.Тимур Досмагамбетов (14.Дмитрий Шомко, 73), 20.Рамазан Оразов (9.Баурхан Исламхан, 68), 22.Александр Марочкин.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
