Belgiya hukumati mahbuslarni uyga ozod etishga qaror qildi — bir oylik qamoqni bir oylik uy qamog‘i bilan almashtirish mumkin. Bu haqda Euronews xabar berdi.
Qayd etilishicha, Belgiya qamoqxonalarning haddan tashqari gavjumligi bilan kurashish maqsadida ba’zi mahbuslarga bir oy panjara ortida va bir oy uy qamog‘ida o‘tirishga ruxsat berildi. Mahkumlar soni mamlakatdagi jazoni ijro etish muassasalari imkoniyatlaridan ortib ketgan. Qamoqxonadagi 10 700 joyga 12 300 mahbus to‘g‘ri keladi.
Ta’kidlanishicha, vaziyat unchalik og‘ir bo‘lmagan jinoyatlar uchun qamoq jazosini belgilovchi yangi siyosat tufayli yuzaga kelgan.
Oxirgi uch yil davomida qisqa hukmlarning kiritilishi yoki ijro etilishi mahkumlarning katta oqimda hibsga olinishiga sabab bo‘lishi aytilgan edi. Mazkur qamoqxonalar mahbuslarni insonparvarlik, kadrlar yoki infratuzilma nuqtayi nazaridan boshqarish yoki joylashtirish imkoniyatiga ega bo‘lmaydi, dedi huquqshunos Denis Boske.
Ma’lumot uchun, terrorizm yoki jinsiy zo‘ravonlik jinoyatlari sodir etganlikda ayblangan, shuningdek 10 yildan ortiq muddatga ozodlikdan mahrum etilgan mahkumlar jazoni qamoqda o‘tashadi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
