Seshanba kuni Isroil harbiylari Rafahga tanklar yuborgani va HAMASning obyektlarini yo‘q qilishga qaratilgan operatsiyada G‘azoning Misr bilan chegarasini nazoratga olganini maʼlum qildi. Bu haqda The New York Times nashri xabar berdi.
Qayd etilishicha, HAMAS o‘t ochishni to‘xtatish shartlarini qabul qilganidan so‘ng Isroil harbiylari Rafah sharqiy qismida «jarrohlik zarbalari» amalga oshirayotganini eʼlon qildi. Nashrning qo‘shimcha qilishicha, bombardimon natijasida 100 ga yaqin tinch aholi halok bo‘lgan, ko‘p sonli ayollar va bolalar yaralangan.
Falastinliklar hech bo‘lmaganda vaqtinchalik o‘t ochishni to‘xtatganidan xursand bo‘lishsa-da, Isroil 1 milliondan ortiq falastinliklar boshpana topgan G‘azo shahrini bombardimon qila boshladi.
Isroil harbiylari seshanba kungi bosqinni «juda aniq» aksilterror operatsiyasi deb atadi va Rafahda qancha vaqt qolishni rejalashtirayotganini aytishdan bosh tortdi. Isroil uzoq vaqtdan beri G‘azoning Misr bilan chegarasini qirg‘oq anklaviga qurol kontrabandasining asosiy yo‘li sifatida ko‘rib keladi.
Dushanba kuni kechqurun Birlashgan Millatlar Tashkiloti Bosh kotibi Antoniu Guterrish “Rafahga quruqlikdan bostirib kirish uning halokatli gumanitar oqibatlari va mintaqaga beqarorlashtiruvchi taʼsiri haqida aytib o‘tgan.
6-may kuni Isroil bir milliondan ortiq g‘azolik qochqinlar boshpana topgan Rafah shahriga bostirib kirishi Netanyaxu va uning eng yaqin xalqaro ittifoqchilari uchun keskinlikni keltirib chiqardi. Qo‘shma Shtatlar Isroilni Rafah aholisini himoya qilish uchun rejasiz bosqinchilik qilmaslik haqida ogohlantirdi.
Harbiylarning maʼlum qilishicha, quruqlik va havo kuchlari ham kechasi sharqiy Rafah hududida, chegara punkti yaqinida amaliyot o‘tkazgan. Tunnel shaxtalarining qayerda joylashgani va jangarilar o‘ldirilgani maʼlum qilinmagan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
