Sloveniya hukumatining X ijtimoiy media platformasida e’lon qilingan xabarda aytilishicha, muxolifatdagi Sloveniya Demokratik partiyasi (SDP) seshanba kuni kechqurun parlament yig’ilishi oldidan kecha parlamentga taqdim etgan referendum taklifini qaytarib olgan.
Qayd qilinishicha, 90 nafar parlament a’zolaridan 52 nafar deputat Falastin davlatining tan olinishi uchun ovoz bergani bildirildi.
“Bugun Falastinning suveren va mustaqil davlat sifatida tan olinishi G‘arbiy Sohil va G‘azo sektoridagi Falastin xalqiga umid bag‘ishlaydi”, dedi Sloveniya Bosh vaziri Robert Golob ijtimoiy tarmoqdagi postida.
– Sloveniya tomonidan Falastinning tan olinishi
PSD prezidenti Janez Yansa dushanba kuni referendum o’tkazish talabini e’lon qildi va tan olish qarori uzoq muddatda mamlakatga zarar etkazishini ta’kidladi.
O’tgan hafta Sloveniya hukumati Falastin davlatini tan olish masalasini muhokama qilish uchun yig’ilish o’tkazdi.
Bosh vazir Golob yig’ilishdan keyin bergan bayonotida, xalqaro huquq va Birlashgan Millatlar Tashkiloti Xavfsizlik Kengashi (BMT) tegishli qarorlari asosida 1967-yil chegaralari ichida Falastinni mustaqil va suveren davlat sifatida tan olishga qaror qilganliklarini bildirdi.
Golob, shuningdek, bu qaror parlament e’tiboriga havola etilishini aytib, deputatlardan uni qo’llab-quvvatlashni so’radi.
Ispaniya, Norvegiya va Irlandiya ham 28-may kuni Falastinni rasman tan olishga qaror qildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
