Niderlandiya va Shveysariya tashqi ishlar vazirlari Netanyaxu o‘z mamlakatlariga tashrif buyurgan taqdirda, uni hibsga olishlarini tasdiqladilar. Fransiya Tashqi ishlar vazirligi Netanyaxuning hibsga olingani haqidagi savollarga javob bermadi.
Italiya Isroil bosh vaziri Binyamin Netanyaxu mamlakatga kelsa, uni hibsga olishga majbur bo‘ladi, dedi Mudofaa vaziri Gido Krosetto Xalqaro jinoiy sud hibsga olishga order berganidan keyin.
Avstriya tashqi ishlar vaziri Aleksandr Shallenberg esa Isroil rahbarini hibsga olish orderini tanqid qilib, uni «tushunib bo‘lmaydigan» va «sud nufuziga putur yetkazuvchi» deb atadi, ammo Avstriya hibsga olish orderlarini bajarishi shartligi, chunki «xalqaro huquq» bo‘yicha muzokaralar olib borilmasligi hamda hamma joyda va har doim amal qilinishini aytdi.
Irlandiya bosh vaziri Saymon Xarris orderlarni «o‘ta muhim qadam» deb atadi va Irlandiya Xalqaro jinoyat sudi rolini hurmat qilishini, unga o‘z vazifasini bajarishda yordam bera oladigan har qanday davlat buni «shoshilinch ravishda» bajarishi kerakligini qo‘shimcha qildi.
Britan matbuotining xabar berishicha, Britaniya Xalqaro Jinoyat Sudining Binyamin Netanyaxu mamlakatga tashrif buyurgan taqdirda hibsga olish haqidagi har qanday so‘roviga rozi bo‘lishi mumkin, garchi Dauning-strit bu savolni to‘g‘ridan-to‘g‘ri tasdiqlashdan bosh tortgan bo‘lsa ham.
Oq Saroy Xalqaro jinoyat sudining Netanyaxu va Gallantni hibsga olish haqidagi qarori rad etilishini maʼlum qildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
